سجــــــــل حضورك اليـــــــومي بكتابة قصة من حيــــــاتك ....!!!


السلام عليكم ورحمه الله وبركاته ....



شلونكم اخواني و اخواتي الاعضاء ..




اليوم حبيت انكم تسجلون حضوركم اليومي في قسم القصص والروايات


وحبيت اسوي هالتسجيل عشان الكل يسجل حضوره الي كل من يدخله واهو عباره


عن اني اسجل حضوري بكتابه جزء من حياتي والباقي يكمل



وراح اقولكم الطريقه شلون وانتوا الي راح تكملون ...!!




يوم كنت بالروضه ما كنت اعرف شئ وكنت اخاف حيييل وبعدها يتني وحده وتعرفت عليها وقمنا نلعب بس ما

احب لصبيان كنت اطقهم لاني كنت انا الطويله واطق وبعدها اشتكوا علي ويه ابوي وزفني ورجعني البيت

وقالي ليش اطقينهم قلتله يبه ما اجبهم لان يزعجوني كل شوي يبجون وانا بلعب قام ابوي يضحك

وبعدها رحت المدرسه الابتدائيه .........



يله بعدها انتوا كملوا من حياتكم ..... وجذي راح يستمر الحضور في هذا القسم

اتمنى من الكل ان يتفاعل مع هالتسجيل وانشاء لله ما اكون ثقلت عليكم في تسجيل الحضور ...






تقبلوا مني تحياتي لكم ....




اختكم




نووور الكويتّّّّّّ

يسلمووو يا الغلا



عاد انا مدرسه الكيمياء ما احبها واكرهها وكنت دائما اسقط عندها وبعدها دقت على بيتنا ونادت امي

بس راحت بدالها اختي الكبيرة وقالت لها ان اختج مشاغبه وما تدرس قالت خلاص انا راح اكلمها

من بعدها قامت حطتني جدام عندها ونجحت ويبت اعلى الدرجات بعدها تهاوشت معاها ونادوا اسمي

بالطابور وحطوني بالشمس لمده ساعه بعدها ودوني حق المديره عقاب يعني وطافوا الحصص بس بعدها رحت

ثالثه ثانوي صرت مؤدبه وعطوني وسام الطالبه المثاليه

ونجحت ورحت الكليه والحمد لله مستانسه بس بيومها ما اعرف شسوي اول ما سجلت بعدها رحت اسجل ومن الزحمه

طحت .....

بعدها وانا بالكليه كان علينا امتحان مخازن ورفيجاتي كانوا يمي الدكتوره درت ان هذوول بغشون مني


لان انا شاطره بالماده وفرقتهم ورفيجتي كانت مسويه برشامه اطول من برج ايفل اطردتها الدكتوره


وبعدها ظليت انا وخلصت قالت اكيد غشيتي قلتلها حرام عليج دكتوره انا ماغشيت وجدامج مقعدتني


شلون اغش قامت تضحك


قالت يله ماعليه بشووووف درجتج بوقتها وطلعت منها بجيد جدا الحمد لله المهم اني تخرجت الحين وخلصت



وبعدها عقب ماطلعت من الامتحان ورفيجتي كانت ناطرتني قالت ها سويتي قلت لها تمام


قالت اي قلب مصريه قلت لها قول اعوذ برب الفلق لا تفاولين واضحكت وقالت انا ساقطه ساقطه خبله


مو صاحيه قمت اضحك عليها ومشينه شوووي وله اطيح بالدرج ومتنه ضحك عليها وبعدها رحنا حق


دكتورنا الثاني وبعدها اصار ....